काठमाडौं– सत्तारुढ दल नेपाल कम्युनिस्ट पार्टी (नेकपा)का अध्यक्ष पुष्पकमल दाहाल (प्रचण्ड) पत्नी सीता दाहालको उपचारका लागि उमेरिका प्रस्थान गरेका छन् ।

अध्यक्ष प्रचण्ड पत्नी सीतासहित छोरी गंगा र ज्वाइँलाई लिएर अमेरिका उडेका हुन् ।

पार्किन्सन नामक रोगबाट ग्रसित सीताको नयाँ प्रविधिबाट उपचार गर्ने भन्ने थाहा पाएकाले आफू अमेरिका जान लागेको प्रचण्डले बताए ।

अमेरिका उड्नु अगाडि विमानस्थलमा सञ्चारकर्मीसँग कुरा गर्दै प्रचण्डले भने, ‘अमेरिकामा भएका सार्थीहरुले पार्किन्सनको नयाँ प्रविधिबाट उपचार हुने जानकारी गराएपछि अमेरिका जान लागेका हौं ।’

पत्नी सीताको उपचार ८–१० दिनमा सकिने विश्वास रहेको प्रचण्डले सुनाए ।