काठमाडौं- महालक्ष्मी विकास बैंकले क्यान्सर दिवसको अवसर पारेर ‘थालेसीमिया प्रोजेक्ट’लाई दुई लाख पचास हजार आर्थिक सहयोग गरेको छ ।

महालक्ष्मी विकास बैंक विराटनगर शाखाले बालबालिकामा देखिने क्यान्सर रोगको उपचारका लागि उक्त रकम सहयोग गरेको हो ।

उद्योग वाणिज्य तथा आपुर्ति राज्यमन्त्री मोति दुगडको प्रमुख आतिथ्यमा भएको कार्यक्रममा बैंकका विराटनगर शाखाका प्रबन्धक भरत खतिवडाले उक्त रकमको चेक राउण्ड टेवलका पदाधिकारीलाई हस्तान्तरण गरेका थिए । क्लबका अध्यक्षबाट बैंकले आफ्नो सामाजिक सेवा तर्फ गरेको सहयोग प्रति आभार प्रकट गरे ।

उनले उक्त सहयोग बालबालिकाको निःशुल्क स्वास्थ्य उपचारमा प्रयोग हुने विश्वास दिलाए । कार्यक्रममा विराटनगर प्लाटियम राउण्ड टेवल ११ ले दौड प्रतियोगिता समेत आयोजना गरेको थियो ।