काठमाडौं – आईसीसी विश्वकप लिग २ मा अमेरिकाविरुद्ध ब्याटिङ गरिरहेको नेपालले ३४ रन बनाएको छ ।

कीर्तिपुरस्थित टियू क्रिकेट मैदानमा जारी खेलको १० ओभरमा नेपालले १ विकेट गुमाएर ३४ रन बनाएको हो ।

नेपालका लागि कप्तान ज्ञानेन्द्र मल्ल र पारस खड्का क्रिजमा रहेका छन् । कप्तान मल्ल १६ रनमा खेलिरहेका छन् भने खड्काले ११ रन बनाएर खेलिरहेका छन् ।

योसँगै कप्तान मल्ल र खड्काबीचको साझेदारी २८ रनको बनेको छ ।

नेपालले यसअघि ओपनर सुवास खकुरेललाई पहिलो विकेटका रुपमा गुमाएको थियो । उनी ३ रन बनाएर पवेलियन फर्किाएका हुन् ।

अमेरिकाले टस जितेपछि घरेलु टोलीविरुद्ध पहिलो फिल्डिङ रोजेको थियो । कसिलो बलिङ गरिरहेकोे अमेरिकाका लागि रस्टी थेरमले पहिलो विकेट लिएका थिए ।

लिग २ आईसीसी विश्वकप क्रिकेट २०२३ को रोडम्याप समेत हो । लिग २ मा अमेरिका १२ अंकसहित शीर्ष स्थानमा छ भने घरेलु मैदानबाट शृङ्खला शूरु गरेको नेपालले अंक तालिकामा खाता खोल्न सकेको छैन् । शृङ्खलाको पहिलो खेलमा ओमानसँग पराजित भएको नेपाल आजको खेलमा जीतको खोजिमा रहेको छ ।