काठमाडौं – आज शुक्रवारदेखि नेपालमा दुई फिल्म प्रदर्शनमा आएका छन् । पछिल्लो समय चर्चामा रहेका फिल्म ‘साङ्लो’ र ‘सेल्फी किङ’ प्रदर्शनमा आएका हुन् ।

विराज भट्ट निर्देशित फिल्म ‘साङ्लो’ मा गुण्डागर्दीको साङ्लोमा उनिएको एक समूहको कथा देखाइएको छ । फिल्ममा विराज भट्ट, निकिता चाण्डक, कामेश्वर चौरासिया लगायतका कलाकारको अभिनय रहेको छ । फिल्ममा एक्सन, रोमान्स र प्रेमकथा देख्न सकिन्छ ।

यस्तै आजैदेखि प्रदर्शनमा आएको फिल्म ‘सेल्फी किङ’ मा एक हास्यकलाकारको कथा देख्न सकिन्छ । विपिन कार्कीको शीर्ष भूमिका रहेको यो फिल्ममा लक्ष्मी बर्देवा, भुवन चन्द, अभय बराल, जीवन भट्टराई लगायतका कलाकारको अभिनय छ ।

फिल्ममा बाबुछोराको प्रेमकथा देखाइएको छ । बाबुछोराको भावनात्मक सम्बन्ध देखाइएको यो फिल्मको गत बुधवार प्रिमियर गरिएको थियो । प्रिमियरमा फिल्म रुचाइएको थियो ।