काठमाडौं– सरकारले फ्रान्स सरकारबाट सम्मानस्वरु प्रदान गरेको ‘ओमरसिज मेडल’ ग्रहण गर्न स्वीकृति दिएको छ ।

नेपाली सेनाका महासेनानी रत्नबहादुर गोदारलाई सम्मानस्वरुप प्रदान गरिएको ‘ओमरसिज मेडल’ ग्रहण गर्न स्वीकृति दिएको हो ।

विहीबार मन्त्रिपरिषदको निर्णय सार्वजनिक गर्दै सरकारका प्रवक्ता समेत रहेका सञ्चारमन्त्री गोकुल बाँस्कोटाले फ्रान्स सरकारले सम्मानस्वरुप दिएको सो मेडल ग्रहण गर्न स्वीकृति दिएको जानकारी दिएका हुन् ।

यसैबीच, बेलायती सेनाको ‘बिग्रेड अफ गुर्खाज’बाट अवकाशप्राप्त तीर्थबहादुर राई र हर्कबहादुर प्रधानलाई बेलायती महारानीका तर्फबाट सम्मानस्वरुप प्रदान गरिएको ‘ब्रिटिस एम्पाइर मेडल’ (बीइएमी) विभूषण ग्रहण गर्न समेत स्वीकृति दिइएको मन्त्री बाँस्कोटाले जानकारी दिए ।