काठमाडौं– भारतीय प्रधानमन्त्री नरेन्द्र मोदीले अयोध्यामा राम मन्दिर निर्माणका लागि एक स्वायत्त ट्रस्ट गठनको घोषणा गरेका छन् ।

बुधवार(आज) मोदीले लोकसभामा भारतीय सर्वोच्च अदालतको आदेश अनुसार अयोध्यामा ट्रस्ट गठन गरेको जानकारी दिए ।

अदालतले अयोध्या मामलामा फैसला सुनाउँदै मन्दिर बनाउनका लागि केन्द्र सरकारलाई तीन महिनाको समय दिएको थियो जुन समय ९ फेब्रुवरीमा सकिँदैछ ।

प्रधानमन्त्री मोदीले संसदमा भने,‘आज विहान भएको केन्द्रीय मन्त्रिमण्डलेको बैठमा अदालतको आदेशलाई ध्यानमा राख्दै यस दिशामा महत्वपूर्ण निर्णय गरेको छ । अदालतको आदेश अनुसार सरकारले श्रीराम जन्मस्थलमा भगवान रामको भव्य मन्दिर बनाउनका लागि र यससँग सम्बन्धित अन्य विषयका लागि एक वृहद योजना तयार गरेको छ ।’

‘अदालतको आदेश अनुसार एक स्वायत्त ट्रस्ट ‘श्रीराम जन्मभूमि तीर्थ क्षेत्र’ को गठनको प्रताव पारित गरेको छ । यो ट्रस्ट अयोध्यामा भगवान श्रीरामको जन्स्थलमा भव्य र दिव्य मन्दिर बानाउन र त्यससँग सम्बन्धित विषयमा निर्णय लिनका लागि पूर्ण रुपमा स्वतन्त्र हुनेछ ।’

प्रधानन्यायाधिश रञ्जन गोगोईको अध्यक्षताको पाँच न्यायाधीशहरुको समूहले ४० दिनको सुनुवाईपछि केही समयअघि राम मन्दिरबारे फैसला सुनाएको थियो ।

फैसलामा विवादित स्थलमा पूजाको अधिकारको मञ्जुरी र मस्जिदका लागि पाँच एकढ जमिन दिनुका साथ साथै अदालतले मन्दिर निर्माणका लागि बाटो तयार गरेको थियो ।