काठमाडौं– एआईपीएस अवार्ड अन्तर्गत नेपालका प्रज्वल ओलीले ‘वेष्ट कोलमिस्ट’को अवार्ड हात पारेका छन् । उनले अवार्डसँगै ८ हजार अमेरिकी डलर पुरस्कार जित्न सफल भएका छन् ।

नेपालमा २ सय हाराहारीमा खेल संघ रहे पनि जम्मा ५० संघहरुमात्रै सक्रिय रहेको भन्ने सम्बन्ध लेखेको उनको लेख उत्कृष्ट सावित भयो । ‘वेष्ट कोलोम’को अवार्डका लागि स्पेन, अर्जेन्टिना लगायतका खेल पत्रकारका रचना समेत प्रतिस्पर्धामा सामेल थिए ।

नेपाली खेलकुद पत्रकारितामा यो अहिलेसम्मकै ठूलो सफलता हो । खेलकुद क्षेत्रको सबैभन्दा ठूलो अवार्डका रुपमा रहेको एआईपीएस अवार्डमा यसअघि पनि नेपाली पत्रकारहरुका रचना प्रतिस्पर्धाको लागि पठाउने गरिएका थिए ।

अवार्ड विजेता ओली दि काठमाडौं पोष्टका खेलकुद व्युरो प्रमुख तथा नेपाल खेलकुद पत्रकार मञ्चका महासचिव समेत हुन् ।