मकवानपुर – विद्युत् मिटरको शिल तोडेर विद्युत् चुहावट गर्ने ८५ जना भन्दा बढीलाई विद्युत् वितरण केन्द्र टाँडीले कारबाही गरेको छ ।
वितरण केन्द्रअन्तर्गतका विभिन्न टोल र घरमा छड्के गरी शिल तोडिएको अवस्थामा ५० वटा मिटर जफत गरिएको र त्यसमा संलग्न ८५ जनालाई कारबाही गरिएको केन्द्रका प्रमुख चुटुनकुमार श्रीवास्तवले जानकारी दिए ।
वितरण केन्द्रका अनुसार गत साउनदेखि माघको तेस्रो हप्तासम्म कारवाहीमा परेकाबाट करिब १० लाख रुपैयाँ जरिवाना समेत असुल गरिएको छ ।
साठी हजार विद्युत् मिटर ग्राहक रहेको सो केन्द्रले मासिक विद्युत् शुल्कवापत सात करोड रुपैयाँ शुल्क उठाउँदै आएको छ ।
प्रतिक्रिया