काठमाडौं – जीवजन्तुमाआशक्त हुने मानिसहरु पनि छन । उनिहरु कुकुर बिरालो लगायतका केही जनावरलाई त ओछ्यानसम्मै पनि पुर्‍याउँछन ।

कतिपयले बाघ, भालु, हात्ती, बाँदर जस्ता जनावरलाई घरमा नै पालेका पनि छन । तर कुनै कुनै जीव यति भयानक छन कि जसलाई छुँदा समेत मानिसको मृत्यु हुन सक्छ ।

‘स्टोन फिस’ अर्थात ढुंगा जस्तो देखिने माछो । यो माछोलाई छुनासाथ मानिसको ज्यान जान सक्छ । त्यसैले समुन्द्रको धेरै नजिक नजान विशेषज्ञहरुले चेतावनी दिएका छन ।

यो विषालु माछो समुन्द्रको मकर रेखा आसपासमा हुने गर्दछ । यो माछोको बनावट ढुङ्गाको जस्तै छ ।  मानिसहरु ढुंगा भन्ठान्छन र त्यसको आडभरोसा लिन खोज्दा त्यही माछाको शिकार बन्छन् ।

यदि यो माछाको माथि टेक्यो भने पनि त्यसले आफूमाथिको तौलको मात्रामा न्युरोटोक्सिन विष निकाल्छ ।

माछाले कसैलाई टोक्यो भने तत्कालै त्यो अंग काटेर फाल्नुपर्छ । अन्यथा मानिस बाँच्न सक्दैन । यो माछोलाई छोएको ५ सेकेन्डमै यसले विष छोड्न थाल्छ । यो माछो यति खतरनाक हुन्छ कि एक थोपा विषले मात्र पनि पूरा शहर नष्ट गरिदिन्छ ।

एक थोपा विष कुनै पनि शहरमा भएको पानीमा घोलेको खण्डमा त्यस शहरका मानिसहरुको जीवन सकिने विभिन्न अध्ययनहरुको हवला दिदै अन्तर्राष्ट्रिय सञ्चार माध्यमहरुले उल्लेख गरेका छन ।