काठमाडौं– सवारी साधन उत्पादक कम्पनी ‘टाटा’ले सबैभन्दा सस्तो इलेक्ट्रिक ‘एसयूभी नेक्सन ईभी’ लन्च गरेको छ । यसको सुरुवाती मूल्य १३ लाख ९९ हजार भारु तोकिएको छ ।

विभिन्न तीन भेरिएन्ट एक्सएम, एक्सजेड प्लस र एक्सजेड प्लस एलयूएक्समा सो कारहरु उपलब्ध हुने कम्पनीले जनाएको छ । यी भेरिएन्टको मूल्य क्रमशः १३ लाख ९९ हजार, १४ लाख ९९ हजार र १५ लाख ९९ हजार भारतीय रुपैयाँ तोकिएको छ ।

टाटा नेक्सन ईभीमा ३०।२ किलोवाट आवरको लिथियम आयोन ब्याट्री प्याक उपलब्ध छ । यसमा भएको इलेक्ट्रिक मोटरले १२९ पीएस पावर र २४५ एनएम टर्क जेनेरेट गर्छ । यसलाई एक पटक फुल चार्ज गर्दा ३१२ किलोमिटर चलाउन सकिने कम्पनीले जनाएको छ ।

कम्पनीका अनुसार सो कारमा ३५ कनेक्टेड फिचर हुनेछन, जसलाई जेटकनेक्ट एपको मदतले प्रयोग गर्न सकिने जनाएको छ ।