अमेरिका – विश्वभर चर्चित हलिउड फिल्म ‘एभेन्जर’ सिरिजको बहुप्रतीक्षित फिल्म ‘एभेन्जरः इन्ड गेम’ को फस्ट लूक सार्वजनिक गरिएको छ ।

मार्भल स्टुडियोको यो प्रतीक्षित फिल्मले केही समयअघि ट्रेलर सार्वजनिक गरेको थियो ।

फस्ट लूकसँगै फिल्मको टिजर मिति अप्रिल २६ तोकिएको छ । नेपाली मितिअनुसार यो फिल्म बैशाख १३ गते रिलिज हुनेछ ।

यद्यपि नेपालमा यो फिल्म रिलिज नहुने सम्भावना पनि छ । किनकि, हालै रिलिज भएको यसको सिरिज ‘क्याप्टेन मार्भल’ अन्तिम समयमा आएर नेपालमा रिलिज गरिएको थिएन ।

फस्ट लूकमा क्याप्टेन मार्भल, आइरन म्यान, क्याप्टेन अमेरिका, हल्क, थोर सहित कैयन् सुपरम्यानलाई राखिएको छ ।

नेपालमा रिलिजबारे अन्योल रहेपनि दर्शकमाझ यो फिल्म निकै प्रतीक्षित बनेको छ ।