एजेन्सी- रुसी राष्ट्रपति भ्लादिमिर पुटिनले आफ्नो सम्मानमा खटिएका एक जना सैनिकको भुइँमा खसेको क्याप टिपेर लगाइदिएपछि सामाजिक सञ्जालमा उनको प्रस‌ंशा भएको छ ।

राष्ट्रपति पुटिनले सैनिक जवानको क्याप टिपेर लगाइदिएको भिडियो अहिले सामाजिक सञ्जालमा भाइरल बनेको छ ।

राष्ट्रपति पुटिन गत शनिबार प्यालेष्टाइनको भ्रमणमा थिए । उनलाई देशका महत्त्वपूर्ण अतिथिको रुपमा सम्मान दिइँदै थियो ।

कार्यक्रममा प्यालेष्टाइनी सहर बेथलेहममा भइरहेको थियो । गार्ड अफ अनर्स सुरु हुनुभन्दा अघि त्यहाँ खटिएका एक सैनिक जवानको क्याप भुईंमा खस्यो । समारोह शुरु भइसकेकाले सैनिकले क्याप टिप्न निउरिन अवस्था थिएन ।

पुटनअघि पुगिस्कदा पनि क्याप उनी हिँडिरहेको रेड कार्पेटकै छेउमा खसेको थियो । पुटिनले त्यो देखेपछि प्रोटोकल तोडेर क्यापलाई उठाएर जवानलाई लगाइदिए र ‘थम्ब्स अप’ गरे ।

समाजिक सञ्जालमा पुटिनको यो कदमको मानिसहरुले प्रसंशा गरिरहेका छन् ।