वीरगन्ज– चक्कु प्रहार गरी एक युवकको हत्या गरेको अभियोगमा पर्सा प्रहरीले ३ जनालाई पक्राउ गरेको छ ।
गत पुस २० गते साँझ ५ बजेतिर वीरगन्ज महानगरपालिका–२२ जगरनाथपुरस्थित बाँसघारीमा मृत अवस्थामा फेला परेका २२ वर्षीय सुरेन्द्र सहनीको हत्यामा संलग्न रहेको अभियोगमा प्रहरीले ३ जनालाई पक्राउ गरेको हो ।
पक्राउ पर्नेमा पर्साको वीरगन्ज महानगरपालिका–११ घर भएका २२ वर्षी अजय कुमार साह, सोही ठाउँका २० वर्षी कृष्ण कुमार गुप्ता र २० वर्षकै राजन साह कानु छन् ।
प्रहरीका अनुसार उनीहरुले चक्कु प्रहार गरी सुरेन्द्रको हत्या गरेका थिए ।
प्रहरीले पक्राउ परेका तीनै जनामाथि ज्यानसम्बन्धी कसुरअन्तर्गत कर्तब्य ज्यान मुद्दामा अनुसन्धान अगाडि बढाएको छ ।
प्रतिक्रिया