इलाम–प्रदेश नम्बर एकको सामाजिक विकास मन्त्रालयले इलाममा पहिलो पटक होमियोपेथिक उपचार पद्धतिको स्वास्थ्य शिविर आयोजना गरेको छ ।

ईलामको माईजोगमाई गाउँपालिकाको नयाँबजारमा दुई दिनसम्म चल्ने शिविरको प्रदेश सासंद खिनु लङ्वा लिम्बुले उद्घाटन गरेका छन् । सामाजिक विकास मन्त्रालय स्वास्थ्य निर्देशनालय धनकुटा र माईजोगमाई गाउँपालिकाले आयोजना गरेको शिविरमा ३० जना होमियोपोथिक चिकित्सक खटिएका छन् ।

प्र्रदेश स्वास्थ्य निर्देशनालयका प्रमुख भोगेन्द्र डोटेलका अनुसार, होमियोपेथिक र आयुर्वेदिक पद्धतिको उपचार एउटै शिविरमा प्रदान गर्ने योजना अनुसार शिविर राखिएको हो । इलामको माईजोगमाई, सन्दकपुर र सूर्योदय नगरपालिकाका नागरिक लक्षीत् यो शिविरमा प्रदेश एकको विराटनगर, दमक, इटहरीका बिभिन्न अस्पतालका २५ जना चिकित्सकले परामर्श तथा उपचार गरिरहेका छन् ।