काठमाडौं –थ्रीबाई थ्री बेष्ट बास्केटबल प्रतियोगिता आउँदो मंगलबारबाट शुरु हुने भएको छ ।

शुक्रबार आयोजक नेपाल बास्केटबल लिग (एनबीएल) र प्ले फर डिप्राइभ्ड चिल्ड्रेन नेपाल (पीडिसिएन) ले पत्रकार सम्मेलनको आयोजना गरि प्रतियोगिताबारे जानकारी गराएको हो ।

पुस २९ गते शुरु हुने प्रतियोगिता पोखरा, बुटबल र धनगढीमा गरि तीन शहरमा आयोजना हुनेछ ।

लिगका खेल पोखरामा २९ र ३० गते हुनेछ । आयोजकले पोखरामा २० टोलको सहभागीता रहने जनाएको छ । यस्तै बुटबलमा १४ टिमको सहभागीता रहनेछ । खेल बुटबलमा माघ ४ गते हुनेछ भने धनगढीमा माघ ६ गते हुने जानकारी दिइएको छ ।

पोखरा, बुटबल र धनगढीका शीर्ष २ टोलीले धनगढीमा हुने फाइनल खेल खेल्नेछन् । प्रतियोगिताको विजेताले ५० हजार र उपविजेताले २५ हजार पुरस्कार पाउने आयोजकले जनाएको छ ।