काठमाडौं– नेपाली सेनाले पदमार्ग भ्रमण गराएर ल्याइएको ‘टर्च’ काठमाडौंको बालाजुस्थित चण्डी दलगणलाई हस्तान्तरण गरेको छ ।
नेपाल एकीकरणको क्रममा पृथ्वीनारायण शाहले प्रयोग गरेको बाटोलाई पदमार्गका रुपमा विकास गर्नका लागि नेपाली सेनाले सो बाटोमा ‘टर्च’ भ्रमण गराएको थियो । टर्च गोरखा, धादिङ, नुवाकोट हुँदै बिहीबार काठमाडौँ ल्याइएको हो ।
बिहीबार काठमाडौँको बालाजु पदमार्गमा आइपुगेपछि टर्च ककनीस्थित शम्शेर दलगणका गणपति महेश्वर कार्कीले बालाजु वाइपासमा चण्डी दलगण काठमाडौँका सेनानी रामबहादुर लामालाई हस्तान्तरण गरेका हुन् ।
सो टर्च सोह्रखेट्टे, पकनाजोल, क्षेत्रपाटी, नरदेवी हुँदै हनुमानढोकाको नाशलचोकसम्म पुर्याएको थियो ।
प्रतिक्रिया