काठमाडौं –सहिद स्मारक ए डिभिजन लिगको इतिहासमा फरवार्ड सन्तोष साहुखलन्ले सय गोल पुरा गरेको खेलमा च्यासल युवा क्लबले नेपाल पुलिस क्लबसँग बराबरी खेलेका छन् ।

बुधबार भएको खेलमा च्यासल र पुलिसले २–२ गोल बराबरी गरे । खेलको ५ औं मिनेटमा पुलिसका निर कुमार राईको गोलमा पुलिसले च्यासलमाथि अग्रता बनाएको थियो । त्यसको ठिक १३ मिनेटपछि अर्थात १८ औं मिनेटमा च्यासलका सन्तोष साहुखलले गोल गर्दै च्यासललाई खेलमा फर्काएका थियो ।

साहुखलको उक्त गोल सहिद स्मारक ए डिभिजन लिगको सयौं गोल थियो । १–१ गोलको बराबरी भएको खेलमा खेलको ४० औं मिनेटमा पुलिस क्लबका सुमन लामाले गोल गर्दै क्लबलाई २–१ गोलको अग्रता दिलाएका थिए ।

पहिलो हाफ २–१ गोलमा रोकिएको खेलमा दोस्रो हाफको चौथो मिनेटमै सन्तोषले च्यासलका लागि दोस्रो तथा लिगमा आफ्नो १०१ औं गोल गरेका थिए ।

बराबरी खेलेको पुलिस लिगमा ५ खेलबाट ८ अंकसहित छैठौं स्थानमा छ भने च्यासल ५ खेलबाट ५ अंकसहित नवौं स्थानमा छ ।