काठमाडौं – अञ्जु पन्त र प्रताप दासको स्वरमा फिल्म ‘जानी नजानी’ को शीर्ष गीत सार्वजनिक गरिएको छ । गीतलाई ओएसआर डिजिटलको च्यानलबाट सार्वजनिक गरिएको हो ।

रोशनी केसी इन्टरटेनमेन्टको ब्यानरमा निर्माण भएको उक्त फिल्मको गीतमा रोमान्टिक प्रेमलाई प्रस्तुत गरिएको छ । यस्तै गीतमा मोदनाथ खनालका शब्द छन् भने अर्जुन पोखरेलको संगीत सुन्न सकिन्छ ।

भिडियोमा मनिष श्रेष्ठ र निरिषा बस्नेतले रोमान्स गरेका छन् । गीतका शब्दले माया बोल्छ ।

अर्जुन जिसीले सम्पादन गरेको फिल्ममा सञ्जय लामाको छायांकन निर्देशन छ । फिल्मलाई सागर काजी माली र मोदनाथ खनालले निर्माण गरेका हुन् ।

बसन्त अधिकारीले निर्देशन गरेको यो फिल्ममा मनिष श्रेष्ठ, निरिषा बस्नेत, सन्नी सिंह, नम्रता श्रेष्ठ, प्रकाश अधिकारी, कृष्णभक्त महर्जन, रोशनी केसी लगायतका कलाकारले अभिनय गरेका छन् ।

फिल्मको कथा, पटकथा र संवाद सामीप्यराज तिमल्सिनाले लेखेका हुन् । फिल्म यही चैत्र १ गतेदेखि प्रदर्शनमा आउँदैछ ।