काठमाडौं– केएनपी राष्ट्रिय महिला भलिबल प्रतियोगिता वैशाखमा हुने भएको छ । आयोजक शेरबहादुर खड्का स्मृति प्रतिष्ठानले आइतबार पत्रकार सम्मेलन गरी प्रतियोगिता वैशाख १० देखि १३ गतेसम्म हुने जानकारी दिएको हो ।

पेन्ट कम्पनी केएनपीको मुख्य प्रायोजन रहेको प्रतियोगितामा ६ टोलीले सहभागीता जनाउनेछन् । प्रतियोगितामा साविकको विजेता एपीएफ, न्यू डायमण्ड एकेडेमी, त्रिभुवन आर्मी, नेपाल पुलिस, पश्चिमाञ्चल भलिबल टोली र जावलाखेल भलिबल प्रशिक्षण केन्द्रको सहभागिता रहनेछ ।
प्रतियोगिताको विजेताले २ लाख प्राप्त गर्नेछन् भने उपविजेताले १ लाख र तेस्रो हुने टोलीले ५० हजार पुरस्कार प्राप्त गर्नेछन् ।

प्रतियोगिताको सर्वोकृष्ट खेलाडी र शेरबहादुर खड्का स्पेसल अवार्ड विजेताले १५–१५ हजार पाउने छन् । विधागततर्फ उत्कृष्ट ७ जनाले जनही ५ हजार पुरस्कार पाउनेछन् ।