काठमाडौं– प्रधानमन्त्री केपी शर्मा ओली मनमोहन कार्डियो थोरासिक भास्कुलर तथा ट्रान्सप्लान्ट सेन्टर पुगेका छन् ।

नियमित स्वास्थ्य परीक्षण तथा मिर्गौलाको डायलाइसिसका लागि प्रधानमन्त्री ओली मनमोहन मनमोहन कार्डियो थोरासिक भास्कुलर तथा ट्रान्सप्लान्ट सेन्टर पुगेका हुन् । अस्पताल स्रोतका अनुसार प्रधानमन्त्री ओलीको मिर्गौलाको डायलासिस सकिएको छ ।

गत मंसिर १० गते एपेन्डिसाइटिसको शल्यक्रिया पछि प्रधानमन्त्री ओली अहिले आराममा छन् ।

१० दिनको अस्पताल बसाईपछि १९ मंसिरमा डिस्चार्ज भएका ओली त्यसयता शुक्रबार दोस्रोपटक मनमोहन कार्डियो थोरासिक भास्कुलर तथा ट्रान्सप्लान्ट सेन्टर पुगेका हुन् ।

प्रधानमन्त्री ओली मंसिर २४ गते (मंगलबार) पनि मिर्गौलाको डायलाइसिसका लागि अस्पताल गएका थिए ।