अङ्ग्रेजी गायक एड सिरनले आफ्नो तौल घटाएका छन् । फ्यानले तौललाई लिएर ‘ट्रोलिङ’ गर्न थालेपछि उनले तौल घटाउन थालेका थिए ।

‘शेप अफ यु’ का गायक सिरनले आफूलाई अनलाइनमा मोटो र चंकी भन्दै ट्रोल गर्न थालेपछि तौल घटाएको बताएका छन् ।

‘मलाई कहिले पनि असुरक्षाको भावना रहेन, तर बारम्बार मान्छेले मलाई मोटो भन्न थालेपछि मैले यसबारेमा सोच्न थालेँ,’ उनले भनेका छन् ।

फ्यानले बारम्बार ‘मोटे’ भन्न थालेपछि आफूलाई पनि मोटोपन बढी भएकै हो कि भन्ने लागेको सिरनले बताए ।

सिरनलाई पत्नी चेरीले ज्यान घटाउन साथ दिइरहेकी छिन् । सिरनले पछिल्लो समय व्यापाम गर्न र खानेकुरामा ख्याल गर्न थालेका छन् ।

उनले आफ्नो भद्दा तौलकै कारण शुरुवाती म्युजिक भिडियोमा नदेखिएको पनि खुलासा गरे ।