काठमाडौं- आज बिहानैदेखि चिसो बढेको छ । तराईंका जिल्लामा बाक्लो हुस्सु लागेको छ भने हिमाली क्षेत्रमा हिमपात भएको छ । पहाडी क्षेत्रमा पनि चिसो सिरेटो चलेको छ ।

जल तथा मौसम पूर्वानुमान महाशाखाका अनुसार देशको पश्चिमी पहाडी भू-भागमा आंशिक बदलीको अवस्था रहेको छ । बाँकि भू-भागमा सामान्यतया सफा मौसम छ। तराईका भू-भागहरुमा हुस्सु/कुहिरो लागेको अवस्था छ ।

पश्चिम तराईमा अहिले बाक्लो हुस्सु र कुहिरो लागेको छ । यो दिउँसोसम्ममा हट्ने जल तथा मौसम पूर्वानुमान महाशाखाले जनाएको छ ।

त्यस्तै मध्य तथा पूर्वी तराईको बाक्लो हुस्सु र कुहिरो पनि दिउँसो हट्ने छ । आगामी २४ घण्टा सम्म तराईका भु-भागहरुमा बिहानको समयमा बाक्लो हुस्सु/कुहिरो रहेकोले राम्रो सँग घाम नलाग्ने हुँदा तापक्रममा गिरावट आई चिसो नै रहने देखिएको महाशाखाले जनाएको छ ।

आगामी तीन दिनको मौसम पूर्वानुमान

पुस ८ गते (मंगलबार)

दिउँसो : देशका पहाडी भू-भागमा आंशिक बदलीको अवस्था रहने छ र बाँकी भू-भागमा सामान्यतया मौसम सफा रहनेछ।

राति : देशको मध्य तथा पूर्वी भु-भागमा आंशिक बदली र बाँकी भू-भागमा सामान्यतया सफा रहनेछ।

पुस ९ गते (बुधबार)

दिउँसो : देशको मध्य तथा पूर्वी भू-भागमा आंशिक बदली र बाँकी भू-भागमा सामान्यतया सफा रहनेछ।

राति : देशभर सामान्यतया मौसम सफा रहनेछ।

पुस १० गते (बिहिबार)

दिउँसो : देशका पहाडी भू-भागमा आंशिक बदलीको अवस्था रहने छ र बाँकी भू-भागमा सामान्यतया मौसम सफा रहनेछ।

राति : देशको मध्य तथा पूर्वी भु-भागमा आंशिक बदली र बाँकी भू-भागमा सामान्यतया सफा रहनेछ।