काठमाडौं– शहीद स्मारक ए डिभिजन लिगमा थ्री स्टार क्लबले जीत हात पारेको छ ।
सोमबार दशरथ रंगशालामा भएको खेलमा नेपाल पुलिस क्लबलाई १-० गोलले पराजित गर्दै थ्री स्टारले ३ अंक जोडेको छ।
थ्री स्टारका लागि खेलको ८४ मिनेटमा सुनिल राईले गोल गरेका हुन् । सुशान श्रेष्ठले दिएको पासलाई सदुपयोग गरेका सुनिलले पुलिसविरुद्वको महत्त्वपूर्ण जीतमा योगदान पुर्याए ।
पुलिसविरुद्व जीत निकाल्न थ्रीस्टारलाई खेलको ८४ औं मिनेटसम्म कुर्नु परेको थियो । जीत हात पारेको थ्री स्टारले २ खेलबाट ४ अंक जोडेको छ भने पुलिसको १ अंक रहेको छ।
प्रतिक्रिया