एजेन्सी- मिस अमेरिका–२०२०को उपाधी भर्जिनियाकी वैज्ञानिक २४ वर्षिया क्यामिली शियरले जितेकी छन् ।

अमेरिकाको मोहेगन सन एरिना, मोन्टभिल सिटीमा बिहीबार राती अबेर सकिएको प्रतियोगितामा उनले उपाधी जितेकी हुन । प्रतियोगिता जित्न उनले स्वीमस्युट लगाउनु परेन। एनले ५० जना आफना प्रतिस्पर्धीलाई पछि पादै उपाधी जितेकी हुन ।

उनले एक वर्ष अघि भर्जिनियाको टेकबाट बायोकेमिस्ट्री र प्रणाली जीवविज्ञानमा डिग्री सकेकी थिइन । अहिले उनी भर्जिनियाकै औषधी विज्ञानको अध्ययन गरिरहेकी छिन् । गाउन वान पिस ड्रेसमा चुनिदै आएको सुन्दरी प्रतियोगिता यस पटक विज्ञान प्रयोगशालाको कोट पहिरिएकी सुन्दरीले जितिन ।

उनले मिस अमेरिकाको स्टेजमा ल्याबकोट लगाएर हाइड्रोजन पेराक्साइडको उत्प्रेरक अपघटनको प्रदर्शनले दर्शक तथा निर्णायकहरु ध्यान खिच्दै मिस अमेरिकाको ताज पहिरिन सफल भइन ।

दर्शकलाई विज्ञानको बारेमा स्टेजमा बुझाउदै उनले फरक प्रस्तुतीका साथ सबैको वाही वाही पाइन । यस पटकको मिस अमेरिका यीनै वैज्ञानिकका कारण अहिले सम्मकै भिन्न भएको सहभागीहरुले बताएका छन् ।

९९ औ संस्करणको यो प्रतियोगितामामा उनले ५० हजार डलर बराबरको छात्रवृत्ति तथा मिस अमेरिकामा काम गर्ने अवसर समेत पाएकिछन् । ग्ल्यामर रेट कार्पेटमा शुरु भएको मिस अमेरिका प्रयोगशालाको सेतो कोट लगाएकी सुन्दरीको ताज सँगै सकिएको छ ।