काठमाडौं– कोरियन गाडी उत्पादक कम्पनी किया मोटर्सले ललितपुरको जाउलाखेलमा आधुनिक सुबिधासहितको शोरुम सञ्चालनमा लाएको छ ।

कियाले थ्रीएस (सेल्स, सर्भिस र स्पेयर पार्ट) एकै ठाउँमा उपलब्ध हुने गरी शुक्रबारदेखि जावलाखेलमा आधुनिक शोरुम सञ्चालनमा ल्याएको हो ।

शुक्रबार एक कार्यक्रमका बीच ललितपुर महानगरपालिकाका मेयर चिरिबाबु महर्जनले शोरुमको उद्घाटन गरे ।

शोरुममा कियाबाट उत्पादन भएका नेपालमा बिक्री हुने सबै गाडी उपलब्ध हुनेछन् । कम्पनीले उक्त शोरुमबाट बिक्री पछिका सेवाहरु सर्भिसिङ र स्पेयर पार्ट पनि उपलब्ध गराइने जनाएको छ ।

करिब ३ रोपनी क्षेत्रफल रहेको शोरुममा २५ जना भन्दा बढी प्रबिधिक तथा कर्मचारी सेवामा रहने कम्पनीले जनाएको छ ।

जावलाखेलमा शोरुम उद्घाटनसंगै शुक्रबार नै नेपालमा बहुप्रतिक्षित किया सेल्टोस गाडी लञ्च पनि गरिएको छ । सोल्टोसको मुल्य नेपालम बजारमा ४९ लाख ९० हजार देखि ६६ लाख ९९ हजार सम्म पर्ने कम्पनीले जानकारी दिएको छ ।

किया जाउलाखेलले सुरुवाती बुकिङमा १ लाख ५० हजार सम्मको नगद छुटको सुविधा दिएको छ । जसले ग्राहकलाई आफ्नो रोजाइको गाडी किन्न सहज हुने कम्पनीको विश्वास छ ।

कियाले सन् २०१९ देखि भारतमा आफ्नो उत्पादन शुरु गरेको थियो । भारतमा निकै लोकप्रिय भएको सेल्टोस नेपालमा पनि सफल हुने कम्पनीको विश्वास छ ।

यस्तै, किया जाउलाखेलबाट बिद्युतीय गाडीको बिक्री पनि शुरु गरिएको छ ।