काठमाडौं – चलचित्र ‘आमा’ को ट्रेलर सार्वजनिक गरिएको छ । दीपेन्द्र के खनाल निर्देशित यो चलचित्रको ट्रेलर राजधानीमा एक कार्यक्रमको आयोजना गर्दै सार्वजनिक गरियो ।

ट्रेलरमा आमाको मायालाई भावनात्मक ढंगमा प्रस्तुत गरिएको छ । सुरक्षा पन्त, मिथिला शर्मा, देशभक्त खनाल मनिष निरौला, टीका पहारी, देशभक्त खनाल लगायतका कलाकारको शीर्ष भूमिका रहेको यो चलचित्रलाई शर्मिला खनालले निर्माण गरेकी हुन् ।

दीपेन्द्र के खनालको कथा तथा छायांकन रहेको चलचित्रलाई दीर्घ खड्काले सम्पादन गरेका हुन् । ट्रेलर हेर्दा दमदार लाग्छ ।

मध्यमवर्गीय परिवारका एक सदस्य अस्पतालमा भर्ना हुनुपरेपछि लाग्ने शुल्क र त्यसको खोजीमा जुटेको परिवार र परिवारमा आएको विचलनले पारेको प्रभावलाई चलचित्रमा देख्न सकिन्छ ।

डिएस डिजिटलको प्रस्तुतिमा बनेको यो चलचित्र फागुन ९ गतेदेखि प्रदर्शनमा आउँदैछ ।