मेक्सिको- मेक्सिकोमा ट्रक दुर्घटना हुँदा कम्तीमा २५ जनाको ज्यान गएको छ । दक्षिणी मेक्सिकोको चिपास राज्यमा नम्बरप्लेट नभएको मालवाहक ट्रक दुर्घटनामा परेको हो ।
मालवाहक ट्रकमा मानिसहरुलाई लादेर लैजाँदै गर्दा दुर्घटनामा परेको जनाइएको छ । दुर्घटनाग्रस्त ट्रकभित्र रहेका मानिसहरु ज्यान गएको स्थानीय अधिकारीले जनाएका छन् ।
दुर्घटनामा अरु ३० जनाभन्दा धेरै घाइते भएका छन् । अधिकारीले दुर्घटनामा मारिने वा घाइते हुनेको राष्ट्रियता सार्वजनिक नगरेपनि उनीहरु सबै मध्य अमेरिकी मुलुकका आप्रवासी नागरिक रहेको हुनसक्ने आशंका गरिएको छ ।
प्रतिक्रिया