जाडो मौसम शुरु भइसकेको छ । जाडो मौसममा विभिन्न सरुवा रोगको प्रकोप कम हुने चिकित्सकहरु बताउँछन् ।
बिरामीहरुमा रोगको संक्रमण कम हुने भएपनि जाडोको समयमा हार्ट अट्याकले भने मानिसहरुलाई धेरै तसाउँछ । मुटु सम्बन्धी रोग भएका मानिसलाई जोडो मौसममा हार्टअट्याकको जोखिम उच्च हुने चिकित्सकहरु बताउँछन् ।
विशेषगरी जाडोको समयमा शरीरले न्यायोपन खो्ज्छ । चिसो मौसममा मानिसहरु निस्क्र हुन्छन् । जसले गर्दा जाडो मौसमा हार्टअट्याकको जोखिम उच्च हुन्छ ।
मुटुमा संक्रमण हुन नदिन खानपान र जीवनशैलीमा विशेष ध्यान दिनुपर्ने हुन्छ । जाडोका कारण अन्य रोगको संक्रमण कम हुने भएपनि मुटुमा भने चिसोले संक्रमण बढ्न सक्छ । त्यसैले पनि चिसोको समयमा अस्पतालमा दम तथा मुटुरोगका बिरामीको चाप बढ्ने गर्छ ।
चिसोमा हार्टअट्याकको जोखिम किन हुन्छ ?
निश्क्रिय जीवनशैली
चिसोको समयमा मानिसहरु सकेसम्म चिसो वातावरणमा निस्किन चाहँदैनन् । मानिसहरु आफूले नियमित गर्ने शारीरिक व्यायाम तथा योगा समेत गर्दैनन् । जसले गर्दा हार्टअट्याकको जोखिम उच्च हुन्छ ।
शरीरमा कोलेस्टेरोलको मात्रा बढी हुनु
शरीरमा कोलेस्टोरलको मात्रा बढी भएमा हार्टअट्याकको जोखिम उच्च हुन्छ ।
उच्च रक्तचाप
हार्टअट्याकको समस्या बढ्नको मुख्य कारण उच्च रक्तचाप पनि हो । रक्तचाप नियन्त्रण गरेर हार्टअट्याकको जोखिमलाई कम गर्नुपर्छ ।
सुर्तिजन्य पदार्थ तथा धुम्रपान
सुर्तिजन्य पदार्थ तथा धुम्रपानले मुटुरोगलाई बढवा दिन्छ । सुर्तिजन्य पदार्थको प्रयोग गर्दा जोडोमा हार्ट ट्याकको जोखिम झनै बढ्छ ।
मोटोपना
मोटोपना भएका मानिसमा हार्टअट्याकको जोखिम उच्च हुन्छ । त्यसैले हार्टअट्याकबाट बच्न मोटोपना नियन्त्रण गर्नुपर्छ ।
मानसिक तनाव
मानसिक तनावमा रहने व्यक्तिलाई हार्टअट्याकको जोखिम उच्च हुन्छ । त्यसैले समस्याहरुको सहि तरिकाले व्यवस्थापन गरी मानसिक तनावमुक्त हुनुपर्छ ।
अस्वस्थ्यकर खाना
मुटुरोगलाई बढवा दिने पहिलो कारण नै अस्वास्थकर खानपना हो । अस्वास्थकर खानपानका कारण मुटुरोगका बिरामी बढ्दै गएका छन् । मुटुलाई स्वस्थ राख्न स्वास्थकर खाना खानुपर्छ ।
अत्याधिक मदिरा सेवन
अत्याधिक मदिरा सेवन गर्दा हार्टअट्याकको जोखिम उच्च हुने भएकाले मदिरा सेवन नगर्नु उपयुक्त हुन्छ ।
हार्ट अट्याकबाट बच्न के गर्ने ?
–छाती दुख्ने समस्या भएमा समयमा नै स्वास्थ्य परीक्षण गराउने,
– उच्च रक्तचाप, मधुमेह र माटोपना नियन्त्रण गर्ने,
– दैनिक आधा घण्टा शारीरिक व्यायम गर्ने,
– तनावमुक्त रहने,
–स्वास्थकर खाना खाने ।
प्रतिक्रिया