धेरै मानिसमा खुट्टा गन्हाउने समस्या हुन्छ । यस्तो समस्यालाई साधारण ठानेर मतलब नराख्दा समाजमा लज्जित हुने अवस्था समेत सिर्जना हुन्छ ।

खासमा खुट्टा गन्हाउने समस्या फन्गसका कारणले हुने गर्दछ । खुट्टा तातो भएर पसिना आउदा फन्गस उत्पन्न हुन्छ र खुट्टा गन्हाउन थाल्दछ । यस्तोमा निम्न उपाय अपनाएर यस समस्याबाट राहत पाउन सकिन्छ ।

१. खुट्टा गन्हाउने समस्या भए जुत्ता, मोजा लगाउन बन्द गरी खुट्टालाई खुल्ला राख्नुपर्छ ।
२. मनतातो पानीमा नुन हालेर १० मिनेटसम्म खुट्टालाई डुबाएर राखेमा गन्हाउने समस्या हट्छ ।
३. एक चम्चा खाने सोडालाई तातो पानी मिसाएर मलम बनाई औंलाको कापमा लगाई केहीबेर राखेर सफासंग खुट्टा धोएमा पनि खुट्टा गन्हाउने समस्या हटेर जान्छ ।
४. नुहाउदाँ खुट्टालाई राम्रोसंग भिजाएर ब्रसले खुट्टा सफासंग धोई सुख्खा राखेमा पनि खुट्टा गन्हाउने समस्याबाट मुक्ति मिल्छ ।
५. खुट्टा गन्हाउने मानिसले छालाको जुत्ता लगाउनु हुँदैन । सकेसम्म कपडाको छोटो जुत्ता लगाउनुपर्छ ।
६. जुत्ता लगाउने गर्नु भएको छ भने जुत्ता खोलेपछि त्यसलाई सुकाउने वा हावा आउने स्थानमा राख्नुहोला ।
७. मोजा लगाउने गर्नुभएको छ भने नियमित मोजा धुने बानी बसाल्नुपर्छ ।
८. खुट्टा गन्हाउने समस्या भएका मानिसले सकेसम्म चप्पलको प्रयोग गर्नु नै उत्तम हुन्छ ।