काठमाडौं- शहीद स्मारक ए डिभिजन लिग अन्तर्गत आज (सोमबार) दुई खेल हुँदैछन् ।
ललितपुरको सातदोबाटोस्थित एन्फा मैदानमा साढे १२ बजे हुने पहिलो खेलमा त्रिभुवन आर्मी र फ्रेन्ड्स क्लब भिड्नेछन् ।
गत सिजन १३ खेलमा २५ अंक सहित आर्मी चौथो स्थानमा रहँदा फ्रेन्डस १२ अंक सहित लिगको ११ औं स्थानमा रहेको थियो ।
दोस्रो खेलमा दशरथ रंगशालामा संकटा र च्यासलबीच प्रतिस्पर्धा हुनेछ । खेल दिउँसो साढे २ बजे हुनेछ । लिगको तेस्रो खेलमा संकटा र च्यासलबीच प्रतिस्पर्धा हुन लागेको हो ।
लिगको पहिलो खेलमा दुबै टिम तीन अंक बटुल्ने लक्ष्य सहित मैदान उत्रनेछन् । गत सिजन भएको भिडन्तमा संकटाले बाजी मारेको थियो । खेलमा संकटाले च्यासललाई २–१ गोल अन्तरले पराजित गरेको थियो ।
प्रतिक्रिया