शेरेलाई उसकी आमाले खाना खान बोलाउनुभयो । सँधै खानामा नयाँ नयाँ परिकार चाहिने उसलाई आमाले आज बेलैमा खाना खान आए दुई ‘अप्सन’ रहेको सुनाउनुभयो । आमाले त्यति भनेपछि खुरुक्क शेरे भान्छामा आयो ।

सरासरी भान्छामा पुगेको उसले आमाले पकाएको परिकार हेर्यो एउटा कराईमा तरकारी र अर्को भाँडोमा खाना थियो । त्यसमा पनि उसले मननपराउने चिचिन्डोको तरकारी ।

त्यसपछि आमासँग झ्वाँकिदै कुरा गर्न थाल्यो ।

शेरे : आमा तपाईंले किन ढाँट्नु भएको ? अघि त तरकारीमा दुइटा अप्सन छ भन्नुभएको थियो । कराईमा त चिचिन्डो तरकारी मात्र छ ।

आमा : हो अहिले पनि दुई अप्सन नै छन् । पहिलो, खान मन लाग्छ भने चुप लागेर खुरुक्क खाऊ । दोस्रो, खान मन छैन भने जुरुक्क उठेर लुरुक्क पर्दै बाहिर जाऊ ।
अप्सन सुनेर शेरे ट्वाँ