लिपुलेक र लिम्पियाधुरा
कालापानी मेरै हो
कालीको धार जङ्गे पिलर
मेची किनार मेरै हो ।
मेचीकाली सीमावर्ती दशगजाका खाँबाहरू
मेरा सबुत गुणगान हुन् ।
हेपाहाको नुर गिराउने शिविर छेक्ने
वैभवशाली यी शान हुन् ।
पुर्खाका यी गौरवगाथा
साँध र सिमाना धुनधान हुन् ।
दिवा–रात्री साक्षी बस्ने
यी जून,तारा र घाम हुन् ।
पसिना र खुन भिजेका
सीमाङ्कनका डाम हुन् ।
खुँडा, खुकुरी र ढुङ्गा–मुँडाले बचाएको
मेरो अस्मिता उपर
गिद्धे नजर पर्नु हुँदैन ।
कसैको सुन्दरतामाथि तड्पिएर बाँच्ने
बिल्कुल रहर गर्नु हुँदैन ।
आइलागेमा जाइ लाग्ने
पुर्खाको हो मुल मन्त्र
सदर बन्छ सधैं भरी
कदापि यो बदर हुँदैन ।
कुदृष्टिले कुचक्रीको
आदर, सम्मान, कदर हुँदैन ।
हिंसक हिटलर कायर मृत्यु
सम्झ कैल्यै सगर हुँदैन ।
प्रतिक्रिया