काठमाडौं – चलचित्र ‘म यस्तो गीत गाउँछु २’ को पहिलो कोशेलीस्वरुप ‘तिम्रो घरको वरिपरि’ बोलको गीत सार्वजनिक भएको छ । बिहीवार यो गीत युट्युबमार्फत सार्वजनिक गरिएको हो ।

गीतमा पूजा शर्मा र पल शाहको जोडी देख्न सकिन्छ । गीतको भिडियोमा पल र पूजाले रोमान्स गरेका छन् ।

अर्जुन पोखरेलको संगीत र शब्दमा तयार भएको गीतमा सोनम तोप्देन र अस्मिता अधिकारीको स्वर सुन्न सकिन्छ । यस्तै गीतमा संगीत संयोजन हृदम कँडेलले गरेका हुन् ।

सुदर्शन थापाले निर्देशन गरेको यो लभस्टोरी फिल्मलाई पूजा शर्मा र सुदर्शन थापाले निर्माण गरेका हुन् । फिल्मको स्किृप्टलाई शिवम् अधिकारी र दिनेश न्यौपानेले लेखेका हुन् भने कथा सुदर्शन थापाकै रहेको छ ।

छायांकनदेखि नै चर्चामा रहेको यो फिल्ममा पल र पूजाका अलावा हरिहर शर्मा, दिनेश डिसी, राजा राजेन्द्र पोखरेल, गणेश गिरी लगायतका कलाकारको अभिनय देख्न सकिन्छ ।

यो फिल्म फागुन २३ गतेदेखि प्रदर्शनमा आउँदैछ ।