काठमाडौं – दक्षिण एसियाली खेलकुद सागको इतिहासमा पहिलो पटक फाइनल पुगेको फुटबल टोलीलाई भुटानी प्रधानमन्त्री डा लोते छिरिङले बधाई दिएका छन् ।
शनिबार भएको श्रीलंकाविरुद्धको खेलमा भुटानले ३–० गोल अन्तरले बिजयी हुँदै पहिलो पटक सागको फाइनलमा स्थान बनाउन सफल भएको थियो ।
प्रधानमन्त्री छिरिङले भुटानालई अन्डरडग टोलीभन्दै अहिले पाएको सफलताले भुटानको फुटबलमा नयाँ आशा दिलाएको बताएका छन् ।
‘अन्डरडगका रुपमा अहिलेको सफलता हाम्रा लागि अपेक्षाभन्दा ठूलो कुरा हो । हाम्रा खेलाडीहरु सागको फाइनलमा पुगेका छन्,’ उनले भने,‘यसले नयाँ सुरवात र आशा बढेको छ ।’
खेलाडी, प्रशिक्षक तथा व्यवस्थापकलाई धन्यवाद भन्दै फाइनलमा राम्रो खेल्न उनले शुभकामना दिएका छन् ।
प्रतिक्रिया