काठमाडौं – चलचित्र ‘प्रेम गीत ३’ का शीर्ष कलाकार प्रदीप खड्काको बाल्यकालको भूमिका निभाएका अनुभव रेग्मीलाई देखाउँदै फस्ट लूक सार्वजनिक भएको छ ।

आउँदो चैत्र २८ गतेदेखि प्रदर्शनमा आउने यो फिल्ममा शीर्ष भूमिकामा प्रदीप खड्का र क्रिष्टिना गुरुङ छन् । प्रदीप र क्रिष्टिनाको बाल्यकालको भूमिकामा अनुभव रेग्मी र योगिशा खत्रीलाई देख्न सकिन्छ ।

निर्माण टिमले कलाकारको क्यारेक्टर लूक पनि सावर्जनिक गरेको छ । यसअघि शिव श्रेष्ठको चरित्र देखाउने गरी पोस्टर सार्वजनिक गरिएको थियो ।

चलचित्रको यतिबेला मनाङमा छायांकन भइरहेको छ । शूटिङ स्थलका केही तस्वीर निर्माण टिमले यसअघि पनि सार्वजनिक गरेको थियो ।

यो चलचित्रलाई छेतेन गुरुङ र सन्तोष सेनले निर्देशन गरिरहेका छन् ।

चलचित्रमा मनिष राउत, शिव श्रेष्ठ, सुनील थापा, सुजल बस्नेत, प्रेम पुरी, लक्ष्मी बर्देवा लगायतका कलाकारको समेत अभिनय रहनेछ ।

यसअघि मोसन पोस्टर र शीर्ष कलाकारको पोस्टर पनि निर्माण टिमले सार्वजनिक गरिसकेको छ ।