काठमाडौं– नेपाल मेडिकल काउन्सिलले चिकित्सक तथा स्वास्थ्यकर्मीलाई काउन्सिलको आचार संहिता अनुसार काम गर्न निर्देशन दिएको छ ।

काउन्सिलले सुचना जारी गर्दै केही दिन यता स्वास्थ्य सेवाको क्षेत्रमा गैर व्यवसायिक आचरण वृद्धि हुँदै गएको भन्दै काउन्सिलको आचार संहिता अनुसार काम गर्न निर्देशन दिएको हो ।

काउन्सिलले बिरामी रेफर गर्दा आर्थिक लाभ लिने र दिने काम गर्न नहुँने बताएको छ ।

काउन्सिलको कोड अफ इथिक्स् एण्ड प्रोफेसनल कन्डक्ट को दफ ३ डी मा ‘कुनै पनि चिकित्सकले औषधि लेखेवापत अथवा कुनै विज्ञलाई रेफर गरेवापत थप सुविधा, कमिशन वा बोनसहरु स्विकार गर्नु काउन्सिलको आचार संहिता विपरित भएको’ उल्लेख भएको भन्दै यस्ता कार्य नगर्न र नगराउन सबै दर्तावाला चिकित्सकलाई आग्रह गरेको छ ।

स्वास्थ्य सेवामा संलग्न अस्पताल, व्यवस्थापक, स्वास्थ्यकर्मी, एम्बुलेन्स चालकले समेत आचार संहिता अनुसार काम गर्न काउन्सिलले निर्देशन दिएको छ ।