मुम्बई – बलिउड अभिनेता अर्जुन कपूर र मलाइका अरोराको अफेअरको चर्चा चलिरहन्छ । यी दुईको बिहेलाई लिएर फ्यान पनि खुबै एक्साइटेड हुन्छन् ।

एक अन्तर्वार्ताका दौरान अर्जुनले बिहेको खबर फैलिएको बारे ध्यान केन्द्रित गर्दै अहिले बिहे नगर्ने बताएका छन् । उनले भनेका छन्, यदि बिहे भयो भने मिडियालाई पक्कै खबर गरिनेछ ।

उनले मिडियामा कुनै कुरा पनि नलुकाउने र लुकाउनुपर्ने कुरा समेत नभएको बताएका छन् । तर, अहिले बिहेको कुनै योजना नै नभएको अर्जुनले स्पष्ट पारेका छन् ।

अर्जुनले आफ्नो व्यक्तिगत जीवनका बारेमा पनि कुराकानी गरे । उनले अब आफ्नो व्यक्तिगत जीवन व्यक्तिगत नरहेको बताए । भने, ‘यो त्यो मूल्य हो, जुन तपाईं स्टारडमका लागि चुकाउनुहुन्छ, यदि कसैलाई यस्तो लाग्दैन भने ऊ गलत प्रोफेसनमा छ, म कसैलाई पर्सनल लाइफका बारेमा लेख्नबाट रोक्न सक्दिनँ किनकि यहाँ कोही त्यस्तो अडियन्स हुनुहुन्छ, जो कलाकारका बारेमा धेरै कुरा जान्न चाहनुहुन्छ ।’

पछिल्लो केही समय यता मलाइका र अर्जुन कपूर प्रेममा रहेको चर्चा छ । मलाइकाभन्दा अर्जुन १२ वर्ष कान्छा छन् । फ्यानले पनि मलाइका र अर्जुनको सम्बन्धबारे जान्नमा उत्तिकै चासो देखाउँछन् ।