काठमाडौं – केही दिनअघि जापानमा आयोजित विवादित अवार्ड कार्यक्रम ‘सूर्य इन्टरनेशनल अवार्ड २०१९’ मा पपलुर अवार्ड जितेर खुशी साटेका अनमोलले अमेरिकामा हालै सम्पन्न भएको ‘ग्लोबल नेपाली फिल्म अवार्ड’ मा ‘स्टार अफ द इयर’ को अवार्ड जितेका छन् ।

उनले अवार्ड जितेको भन्दै सामाजिक सञ्जालमा तस्वीर अपलोड गरेका छन् ।

अनमोल अमेरिका हानिएसँगै उनैले अवार्ड पाउने पक्का भएको अड्कल फिल्म वृत्तमा चलेको थियो । किनकि, अनमोलले अवार्ड पाउने पक्का भएपछि मात्र अवार्ड कार्यक्रममा सहभागी जनाउने गरेका छन् ।

अमेरिकामा भएको अवार्ड कार्यक्रममा राजेश हमाल, भुवन केसी, नायिका नम्रता श्रेष्ठ, स्वेता खड्का, दीपिका प्रसाईं लगायत अमेरिका गएका छन् ।

अवार्ड कार्यक्रमका लागि अमेरिका पुगेका धेरैले अवार्ड हात पारेका छन् । नायिका नम्रता श्रेष्ठले पनि अवार्ड जितेकी छिन् । स्वयम् अनमोलले नायिका नम्रतासँगको तस्वीर शेयर गरेका छन् ।