मलेसिया– मलेसियास्थित नेपाली राजदूतावासले त्यहाँ कार्यरत अवैध नेपाली कामदार फर्काउन घुम्ती शिविर सञ्चालन गर्ने भएको छ ।

मलेसिया सरकारले अवैधानिक आप्रवासी कामदारलाई आममाफी दिएको स्वदेश फर्काउने कार्यक्रम ‘गुड फर ब्याक’ कार्यक्रम आगमी डिसेम्बर ३१ मा सकिँदै छ । सोही कार्यक्रमलाइ मध्येनजर गदै दूतावासले मलेसियाका विभिन्न स्थानमा घुम्ती सेवा सञ्चालन गर्ने भएको छ ।

मलेसिया सरकारले गएको अगष्ट १० देखि अवैधरूपमा मलेसियामा बसेका आप्रवासी कामदारलाई आममाफी दिएर स्वदेश फर्काउने कार्यक्रम ल्याएको थियो । दूतावासले आज (आइतबार) पेनाङ्ग राज्यमा यात्रा अनुमति पत्र बनाउने सेवा उपलब्ध गराउने बताएको छ ।

नेपाली दूतावासले अवैध कामदारको घनत्व रहेको विषेश स्थामा घुम्ती सेवा सञ्चालन गर्ने दूतावासले जानकारी दिएको छ ।

उक्त कार्यक्रमबाट घर फर्किन अवैध रुपमा बसेका नेपालीले हवाई टिकट आफैंले खरीद गरी जरिवाना वापत ७ सय, स्पेसल पास वापत १ सय र नेपाली राजदूतावासको राजस्व १ सय ६० मलेसियन रिङगेट गरी करिब २६ हजार ५ सय रुपैयाँ बुझाउनुपर्छ ।