अर्घाखाँची- अर्घाखाँचीको मालारानी गाउँपालिका- ३ मा नेपाली कांग्रेस विजयी भएको छ । कांग्रेका उम्मेदवार शोभाखर खनाल ११ सय ५९ मत प्राप्त गरेर विजयी भए ।
खनालका निकटतम प्रतिद्वन्द्वी नेकपाका यमलाल खनालले १ हजार ५३ मत प्राप्त गरे । यो कांग्रेसका शोभाखरको भन्दा १०६ मत कम हो ।
कुल २२ सय २५ मत खसेकोमा ९ मत बदर भए । राप्रपाका रणबहादुर खनालले ४ भोट प्राप्त गरेका छन् ।
विजयी शोभाखर खनाल गएको स्थानीय चुनावमा तत्कालीन एमालेका जीवन चौहानसँग ३६ मतले पराजित भएका थिए । वडाध्यक्ष जीवन चौहानको गत पुसमा दुर्घटनामा परि मृत्यु भएपछि पद खाली भएको हो।
प्रतिक्रिया