कतार– रोजगारीका लागि कतार पुगेका कामदारले आवाससहितको सम्पूर्ण व्यक्तिगत विवरण पेश गर्नु पर्ने भएको छ ।

पेशा व्यवसाय गर्दै बसेका विदेशी नागरिक र आप्रवासी श्रमिकले आवाससहित सम्पूर्ण व्यक्तिगत विवरण पेश गर्नुपर्ने नियम कतार सरकारले लागू गरेको छ ।

कतारको आन्तरिक मामिला मन्त्रालयले जनावरीदेखि कतार भित्रिने विदेशी नागरिकको विवरणमा अनिवार्य गर्ने लागेको जनाएको छ ।

सन् २०२२ को विश्वकप फुटबलको आयोजक कतारले राष्ट्रिय ठेगाना सम्बन्धि सन् २०१७ को कानून नम्बर २४ लाई कार्यान्वयनमा ल्याएको हो ।

मन्त्रालयले आप्रवासी श्रमिक र नागरिकको विवरण मोबाईल मार्फत पनि पठाउन सकिने व्यवस्था गरेको जनाएको छ । कानून लागू भएको ६ महिनाभित्र विवरण नबुझाए १० हजार हजार रियाल (३ लाख नेपाली रुपैयाँ) जरीवाना गर्नेसक्ने जनाएको छ ।

कतारमा रहेको सम्पूर्ण आप्रवासीहरुले आफु बसोबास गर्दै आएको ठेगाना, फोन नम्बर, रोजगारदाताको ठेगाना तथा सम्पर्क नम्बर, मोबाईल नम्बर, ईमेल र आाफ्नो देशको स्थायी ठेगाना कतारको स्थानिय निकायमा पेश गर्नुपर्ने छ ।

नाबालक आप्रवासी नागरिकका हकमा पनि यो व्यवस्था लागू हुने जनाइएको छ ।