मुम्बई – जोन अब्राहम, अनिल कपूर, अरशद वारसी, पुल्कित सम्राटको कमेडी फिल्म ‘पागलपन्ती’ ले बक्स अफिसमा औसत व्यापार गरिरहेको छ ।
मल्टिस्टारर यो फिल्मले रिलिजको ३ दिनमा १८ करोड ५० लाख भारु कमाइ गरेको भारतीय मिडियाले लेखेका छन् ।
फिल्मले पहिलो दिन ५ करोड रुपैयाँको व्यापार गरेको थियो भने दोस्रो दिन ६ करोड २५ लाख कमाइ गरेको थियो । यो फिल्मले बक्स अफिसमा खासै कमालको व्यापार गर्न सकेको छैन भने दर्शकबाट पनि मिश्रित प्रतिक्रिया पाएको छ ।
फिल्मको स्किृप्ट धेरैलाई चित्त बुझेको छैन । तीन साथीको संगतलाई लिएर बनाइएको यो फिल्म कमेडी विधामा निर्माण गरिएको छ ।
प्रतिक्रिया