काठमाडौँ– प्रतिनिधिसभाका सभामुख डोलप्रसाद अर्याल अन्तरव्यवस्थापिका संघ (आईपीयू) को १५३औँ महासभामा सहभागी भई आज स्वदेश फर्किँदै छन् ।

स्वदेश फर्किए लगत्तै सभामुख अर्यालले महासभामा नेपालको सहभागिता तथा छलफलका विषयमा पत्रकारहरुलाई जानकारी गराउने कार्यक्रम रहेको छ ।

भेटघाट कार्यक्रमका लागि पत्रकारहरुलाई दिउँसो साढे २ बजे त्रिभुवन अन्तर्राष्ट्रिय विमानस्थलमा उपस्थितिका लागि अनुरोध गरिएको छ ।

सभामुख अर्यालसहितको टोली असोज १८ गते साँझ कतार एयरवेजको उडानमार्फत तान्जानियाको अरुसा प्रस्थान गरेका थिए ।

सभामुख अर्यालको नेतृत्वमा गएको सात सदस्यीय प्रतिनिधिमण्डलमा प्रतिनिधि सभा सदस्य रविन महत्तो, राष्ट्रिय सभा सदस्यहरू झक्कु प्रसाद सुवेदी र अञ्जान शाक्य तथा संघीय संसद्का महासचिव पद्मप्रसाद पाण्डे लगायत छन् ।