काठमाडौं- बडा दसैँको घटस्थापनाको अघिल्लो दिन काठमाडौंको वसन्तपुर दरबार क्षेत्रमा जमरा राख्न आवश्यक सामग्री खरिदबिक्री गर्नेको चहलपहल बढेको छ ।
घटस्थापनाका लागि माटाका भाँडा, मकै, जौलगायत सामग्री खरिद गर्न स्थानीय तथा सर्वसाधारण वसन्तपुर पुगेका छन् ।
घटस्थापनाका दिन माटाका भाँडामा माटो वा बालुवा राखेर जौ र परम्पराअनुसार मकै छर्ने चलन छ । त्यसरी छरिएको अन्नबाट उम्रने जमरा दसैँको टीकाका दिन मान्यजनबाट टीका र जमरा ग्रहण गर्दा प्रयोग गरिन्छ ।
नेपालीहरूको प्रमुख चाड बडा दसैँको सुरुवातसँगै बजारमा पूजासामग्री किनमेल गर्नेको चहलपहल बढेको छ ।
प्रतिक्रिया