एजेन्सी– अन्तर्राष्ट्रिय मुद्रा कोष (आईएमएफ) ले पाकिस्तानलाई करिब एक अर्ब २० करोड अमेरिकी डलर सहयोग उपलब्ध गराउने विषयमा पाकिस्तानी अधिकारीहरूसँग कर्मचारीस्तरीय सम्झौता गरेको छ।

सम्झौता कार्यान्वयनका लागि अब आइएमएफको कार्यकारी बोर्डबाट स्वीकृति लिनुपर्नेछ। आइएमएफकी वार्ताकार इभा पेट्रोभाले मध्यपूर्वमा जारी द्वन्द्वको प्रभावका बाबजुद पाकिस्तानी अधिकारीहरूले अर्थतन्त्रको व्यवस्थापन प्रभावकारी रूपमा गरेको बताइन्।

कडा आर्थिक नीतिका कारण पाकिस्तानमा समष्टिगत आर्थिक स्थिरता कायम राख्न सहयोग पुगेको उनको भनाइ छ।

तर बढ्दो मूल्यवृद्धि, उच्च ऊर्जा मूल्य तथा आपूर्ति अवरोधका कारण पाकिस्तानको कमजोर अर्थतन्त्रमा दबाब कायमै रहेको आइएमएफले जनाएको छ।

आइएमएफका अनुसार आर्थिक वर्ष २०२६ का पहिलो तीन त्रैमासिकमा पाकिस्तानको वास्तविक कुल गार्हस्थ्य उत्पादन (जीडीपी) वृद्धि ४ प्रतिशत रहेको छ। समग्र आर्थिक वृद्धि भने ३.६ प्रतिशत रहने अनुमान गरिएको छ।

पेट्रोभालका अनुसार पाकिस्तानमा मुद्रास्फीति मेमा उच्च विन्दुमा पुगे पनि सेप्टेम्बरमा करिब १०.३ प्रतिशतमा सीमित भएको छ। मुख्य मुद्रास्फीति पनि नियन्त्रणमै रहेको उनले बताइन्।