काठमाडौं- क्यानेडाली कवयित्री, निबन्धकार तथा अनुवादक एन कार्सनले यस वर्षको साहित्यतर्फको नोबेल पुरस्कार प्राप्त गरेकी छिन् । ७६ वर्षीया कार्सन साहित्यमा नयाँ प्रयोगका लागि चर्चित छिन् ।

“शास्त्रीय परम्परासँगको रोचक संवादमार्फत् समकालीन साहित्यका लागि नयाँ रूपहरू सिर्जना गर्ने उनको साहसिक र नवीन कृतिहरूका लागि” कार्सनलाई यसपालि सम्मानित गर्ने निर्णय गरिएको नोबेल समितिले जनाएको छ।

जीवनभरको साहित्यिक योगदान र उत्कृष्ट कृतिहरूका आधारमा प्रदान गरिने यो सम्मानलाई विश्व साहित्यकै सबैभन्दा प्रतिष्ठित पुरस्कार मानिन्छ । यसको पुरस्कार राशि १२ मिलियन स्विडेनी क्रोनर (करिब १२ लाख अमेरिकी डलर) रहेको छ ।

पुरस्कार विजेता कार्सनले विगत ३० वर्षभन्दा बढी समयदेखि ग्रीक भाषा र साहित्यको प्राध्यापन गर्दै आउनुका साथै प्राचीन ग्रीक साहित्यका चर्चित कृतिहरूको अनुवादमा समेत महत्त्वपूर्ण योगदान पुर्‍याएकी छन् ।