काठमाडौँ– धितोपत्र बजारमा शेयर कारोबार मापक नेप्से परिसूचक आज ६.३८ अंकले घटेको छ।

नेपाल स्टक एक्सचेञ्ज (नेप्से)का अनुसार नेप्से परिसूचक ६.३८ अंकले घटेर २ हजार ५७२.३४ विन्दुमा झरेको छ। ठूला कम्पनीको कारोबार मापन गर्ने सेन्सेटिभ परिसूचक पनि ०.६३ अंकले घटेर ४६१.२२ विन्दुमा पुगेको छ।

त्यस्तै, फ्लोट परिसूचक ०.२६ अंकले घटेर १७७.४५ विन्दुमा र सेन्सेटिभ फ्लोट परिसूचक ०.१९ अंकले घटेर १५५.६५ विन्दुमा कायम भएको छ।

आज विभिन्न कम्पनीका १ करोड ३ हजार ६८८ कित्ता शेयर ३ अर्ब ७४ करोड ८० लाख ८० हजार ३०३ रुपैयाँमा कारोबार भएका छन्।

कारोबारमा आएका १३ उपसमूहमध्ये एउटा उपसमूहको सूचक बढेको छ भने १२ उपसमूह घटेका छन्। आज १०० कम्पनीको शेयर मूल्य बढ्दा १६७ कम्पनीको घटेको छ। १२ कम्पनीको शेयर मूल्य भने स्थिर रहेको छ।

नेप्सेका अनुसार आज घलेम्दी हाइड्रोपावर, एनआईसी एसिया ब्यालेन्स फन्ड र इङवा हाइड्रोपावरलगायतका लगानीकर्ताले कमाएका छन्। यस्तै, ग्लोबल आईएमई समुन्नत योजना, एसबीएल डिबेञ्चर र मेगा म्युचुअल फन्डलगायतका लगानीकर्ताले गुमाएका छन्।