काठमाडौँ – झरी र असिनापानी परेपछि नेपाली कांग्रेसको १५औँ महाधिवेशन प्रभावित भएको छ।
मंगलबार दिउँसो परेको झरी र असिनापानीका कारण महाधिवेशनस्थलमा सहभागी प्रतिनिधिहरू ओत लाग्न बाध्य भएका छन्। पानी परेपछि महाधिवेशनस्थलमा चहलपहलसमेत प्रभावित भएको छ।
कांग्रेसको एकातर्फ बन्दसत्र समापनको तयारी भइरहेको छ भने अर्कोतर्फ विभिन्न पदका उम्मेदवारहरूले मनोनयन दर्ता गराइरहेका छन्। उम्मेदवारी दर्ताका लागि आज साँझ ६ बजेसम्मको समय तोकिएको छ।
१५औँ महाधिवेशनमा कांग्रेसको सभापतिसहित सबै पदमा निर्वाचन हुने देखिएको छ। सभापति पदका लागि उम्मेदवारी दर्ता शुल्क ४० हजार रुपैयाँ तोकिएको छ।
प्रतिक्रिया