काठमाडौं- खुलामञ्चबारे प्रधानमन्त्रीको टिप्पणीलाई लिएर सरकारका प्रवक्ता एवम् शिक्षामन्त्री सस्मित पोखरेलले प्रष्टीकरण दिएका छन् । सोमबार बसेको मन्त्रिपरिषद् बैठकपछि सञ्चारकर्मीहरुसँग कुराकानी गर्दै प्रवक्ता पोखरेलले प्रष्टीकरण दिएका हुन् ।

पोखरेलले प्रधानमन्त्रीको उक्त टिप्पणी ‘तुच्छ’ भन्न नमिल्ने बताए । पोखरेलका अनुसार प्रधानमन्त्रीले महानगरको मेयर हुँदा बनाएको खुलामञ्चको सन्दर्भलाई लिएर मात्र अभिव्यक्ति दिएका हुन् ।

नेपाली कांग्रेसको १५औँ महाधिवेशनको उद्घाटन सत्रमा आइतबार विभिन्न राजनीतिक दलका नेताहरूले सरकारको आलोचना गरेपछि प्रधानमन्त्री वालेन्द्र शाहले सामाजिक सञ्जालमा टिप्पणी गरेका थिए । सामाजिक सञ्जालमा उनले ‘धन्न खुला मञ्च राम्रो बनाइएछ, नयाँ पार्टीले कार्यक्रम गरेर गाली गर्न पाएका छन् !’ भन्दै टिप्पणी गरेका थिए ।