काठमाडौँ – नेपाली कांग्रेसका महामन्त्री गुरु घिमिरेले कांग्रेसले जस्तै रूपान्तरण र पुस्तान्तरण अरु पार्टीले सिक्न आवश्यक रहेको बताएका छन् । पार्टीको १५औं महाधिवेशनको उद्घाटन समारोहलाई सम्बोधन गर्दै उनले कांग्रेसले पछिल्लो जनभावना अनुसार पार्टीलाई बदलेको उल्लेख गरे ।

पछिल्लो समय कांग्रेसमा नेताहरु उत्साहित रहेको बताउँदै उनले पाँचै वटा पुस्तालाई समेटेर पार्टी अगाडि बढ्ने प्रतिबद्धता व्यक्त गरे ।

कांग्रेस बदलिएको विषयमा भ्रममा नपर्न आग्रह गर्दै बदलिएको कांग्रेसमा सबै सहयात्रा गरेर अगाडि बढ्नुपर्ने घिमिरेको भनाइ छ । ‘कांग्रेस बदलिएको छ, बदलिएको कांग्रेसमा सबैले सहयात्रा गरेर अगाडि बढौं ।’ घिमिरेले भने, ‘म साथीहरूलाई उत्साहजनक ढंगले महाधिवेशनमा सहभागी हुन आग्रह गर्दछु । काहीँ कतै भ्रममा नपर्नुहोला ।’